Feed aggregator

على الغرب التعقل شوية

لستُ أدرى - Sat, 2009-07-04 23:10
بعد أن قال الغرب أن قاتل مروة الشربينى لا يمثل ألمانيا، وأن الحادث مجرد عمل فردى،
لا أتوقع من الغرب -ذاته- أقل من أى يلغى من كل معاجمه فكرة أن المسلمين إرهابيين، ويؤمن أن بن لادن وأعوانه -مثلا- لا يمثلون العرب أو المسلمين فى شئ، وأفعالهم كلها فردية!

وعلى رأى المثل.. لا تعايرنى ولا أعايرك.. دا التعصب طايلنى وطايلك!
Lasto Adri *Blue*

زمان ودالوقت

لستُ أدرى - Sat, 2009-06-27 23:30
لما كنت أصغر كتير من دلوقتى، ويمكن لحد دلوقتى، كنت بغتاظ لما أى حد كبير يتقمص دور الحكيم ويقول لى عن نصائح عليا إتباعها.. كإنه بيحرم عليا حق التجربة بالظبط.. حقى الطبيعى زيه إنه أعيش الموقف وأحكم عليه بناء عن قرارى أنا، خبرتى أنا مهما كانت صغيرة.
النهاردة قفشت نفسى وأنا بدى نفس المواعظ والحكم لحد أصغر كتير عن ما أنا دلوقتى.. كان جوايا صوت صعبان عليا يضيع من عمره تجربة أنا جربتها وعرفت إنها غلط مش صح!.. كنت بتكلم وشايفة فى عينه نفس نظرة الغيظ اللى كانت فى عينى من كام سنة، بس ما قدرت.. كملت الكلام اللى عندى قبل ما كل واحد منا يفترق لطريق.
وبعدها إغتظت من نفسى المرة دى.. وإحترت ياهل ترى أنهى الأصح؟ نشوف الوقت بيضيع من غيرنا ونسكت.. ولا نتقمص دور أبو خبرة اللى عارف الغلط م الصح؟
وياترى يانفسى ليه لحد دلوقتى بتضايقى من اللى بيتقمص دور الحكيم ، وانتى عارفة انك محتاجة كل ثانية من الوقت؟



----------------
التدوينة دى فى نفس توقيت كتابة تدوينة لعبد الرحمن عن موضوع واحد "حاجة كنا بنتضايق منها وإحنا صغيرين، وبنعملها دالوقت"
Lasto Adri *Blue*

مش ح تظبط ابدا؟

لستُ أدرى - Wed, 2009-06-10 23:11
- نمرتك زى ما هى؟
- لا غيرتها.. قلت لها احنا اتجوزنا وكل واحد راح لحاله، ولما قرفتنى، رميت الخطين القدام واشتريت واحد جديد
(سكوت لهبدة مطب عنيفة)
- أنا بقيت 29 يا جدع.. هى الدنيا ليه مش بتظبط معانا أبدا؟..
- .... شكل اللى عملناه فى الكلية راح يطلع علينا
(سكون بتأمل)
Lasto Adri *Blue*

حياتى إلا حتة

لستُ أدرى - Mon, 2009-05-25 16:05
كان نفسى أشتغل وأجيب فلوس عشان أشترى الكتب اللى بحبها
دلوقتى بشتغل وبجيب فلوس وبشترى "كل" الكتب اللى بحبها، بس.. معنديش وقت
Lasto Adri *Blue*

سبحانك اللهم انا كنا من المنافقين

لستُ أدرى - Tue, 2009-05-19 21:22
أحيانا -زى النهاردة- بحس ان الشعب المصرى مافيش منه أمل ولا فايدة
الفساد والنفاق تغلغلوا فيه لحد ما خلاص ماينفعشى معاه أى دواء.. غير البتر
ولا ينفع معاه اصلاح الا لو اختفى من على وجهة البسيطة واتعاد تشكيله من جديد.. بس على نضيف
Lasto Adri *Blue*

ساعد دفاع أصوات عالمية بكتابتك تدوينة واحدة

لستُ أدرى - Mon, 2009-05-18 19:56
من المحتمل أنّكم سمعتم عن المضايقات التي يتعرض لها المدونون من اعتقال إلى تعذيب في مختلف دول العالم، أو ربما سمعتم عن مواقع تمّت فلترتها على نحوّ ظالم. هذا الأمر يستحق أن نقف معاً بحق في وجهه كمدونين.

من المجموعات القليلة التي تعمل مباشرة مع المدونين العالميين لرصد حال حريّة التعبير في العالم هو دفاع أصوات عالمية. وهي مدوّنة يقوم بإدارتها سامي بن غربية - وهو نفسه مدوّن بالمنفى - مع مجتمع رائع من المؤلفين و المحررين. يقومون برصد دائم لخطوات الحجب والرقابة حول العالم في نشرات يومية، ويقومون بتطوير خريطة لذلك على أساس تقنية ويب2.0.

لدينا فرصة لمساعدة دفاع أصوات عالمية على الفوز بـ 3000$، وذلك بكتابتنا ونشرنا ذلك في مدوّناتنا، بالاضافة لادماج نصّ بسيط يمكنك نسخه من هذه الصفحة على موقع أصوات عالمية باللغة العربية.


والآن أصوت لدفاع أصوات عالمية لأن حرية التعبير على الانترنت تهم وتؤثر في حياة الجميع، ليس فقط المدونين، بل هي حق انساني لكي نقول ونقرأ ما نريد..
عرفت معناه مأخرا وعايشته.. فأصبحت مدينه لحرية التعبير بالكثير..

-----------
هذه التدوينة هي جزء من حملة زيمانتا [Zemanta] لـ “التدوين من أجل قضيّة” ( http://www.zemanta.com/bloggingforacause ) التي تهدف لزيادة الوعي والتمويل لأجل قضايا تهمّ المدونين.

This blog post is part of Zemanta's “Blogging For a Cause” (http://www.zemanta.com/bloggingforacause/) campaign to raise awareness and funds for worthy causes that bloggers care about.

مقتبسة من نص مقال أصوات عالمية باللغة العربية - بتصرفLasto Adri *Blue*

بس احنا غيرنا العنوان

لستُ أدرى - Tue, 2009-05-12 20:38
للزوم النعنشة والفرح والزقططة.. غيرنا العنوان لبيت تمليك
www.lastoadri.com

الآر اس اس الجديد
http://www.lastoadri.com/feeds/posts/default

وهذا لحين الإنتهاء من تشطيبات الشقة الجديدة

فتكم بعافية
Lasto Adri *Blue*
Syndicate content